Category - 網購攻略



日買買買經驗開心share:日本海外網站 集運入門攻略 Tenso & Jshoppers

網購攻略

除咗美國website,其實好多朋友都好想係日文網站買野,JIKMINE特別整理咗自己嘅經驗,希望更多香港人可以足不出戶就買到日本野。

此前寫咗日本Amazon,介紹日本海淘『邊度買』同『點樣買』 。至於『點樣運翻來』依個問題并冇特別介紹,更加有唔少朋友因為依個問題困惑過猶豫過放棄過。所以今日我哋就share 一篇日本海外網購集運入門攻略篇

 

  • 日淘集運絕代雙驕:Tenso&Jshoppers

好多朋友一開始接觸日本集運公司,聽過最多嘅可能就係依兩間公司:Tenso同Jshopper。Tenso依個係日文裡邊就係“轉送”嘅意思,前者直接以此為名。而Jshopper英文全稱係Tenso Japan,意思係集運日本,係Jshoppers旗下嘅物流業務,即係Jshoppers或者JS。

兩家嘅企業信息係依度就唔再作詳細介紹了(講嘅話睇怕要講足三日三夜),大家只需要知道依兩家公司都係正規嘅日本股份制有限公司,加上日本人出名嚴謹認真,係集運物品嘅安全性、時效性上可以放心。另外,JS系以代購起家嘅,前文有share過鏈接,集運係旗下業務;Tenso比較遲進入市場,但規模都非常大,兩者都有中文服務,唔需要怕睇唔明ga。

Tenso_1

  • 全中文註冊頁面:Tenso註冊地址、Jshoppers註冊地址

具體可以係我哋網站,集運公司總匯就可以進入兩個集運網站嘅註冊地址,精確到每一個方框需要填寫嘅內容都有中文注釋,大家可以輕鬆填寫,下面係注意事項。

Tenso:建議把居住地址同寄件地址設定為相同嘅地址,註冊頁面下方選擇『把上面地址定位傳送處』即可,可以參考下圖嘅填寫案例:

Tenso_2

填寫完信息之後,Tenso方面會要求輸入支付信息,信用卡或者Paypal,建議先選擇Paypal、至下一步即可。然後嚟到信息確認嘅頁面,係下方仲有三個重要條款,閱讀之後確認冇問題,就可以點擊登錄會員,完成註冊啦!

Tenso_3

Jshopper:JS頁面上大部分要求使用數字同字母,使用默認嘅英文鍵盤同數字鍵盤輸入即可;電話號碼係手機號前加上00852-;而居住地址同寄件地址要設定為相同嘅地址,收貨人信息欄打tick,收貨人嘅信息就唔需要重覆再填;其他信息同Campaign唔需要填寫。

Tenso_4Tenso_5

  • 身份認證:身份證可能唔夠

JIKMINE第一次使用JS集運嘅時候,慣例規範仲未有目前甘嚴格,無需上傳任何身份證明文件,就可以用。而係13年4月,日本新嘅法律頒布咗之後,集運公司必須要確認會員係本人,照目前嚟睇,Tenso同JS都需要進行嚴格嘅身份確認,兩間公司嘅認證方式大同小異。(所以其實呢,雖然呢兩間嘢好處就係無體積費,但註冊好鬼麻煩)

Tenso_6

Tenso:身份認證頁面係「我的網頁」嘅中部位置,亦可以直接點鏈接進入。進入頁面隨機會彈出一個問題:「您現住的地址是哪裡?」依個亦係Tenso身份認證

嘅重點,必須提供資料以證明收件人居住地同收件地區一致。

Tenso_7

認證流程主要詢問四個問題,前三個都係確認信息,第四個就好似下圖咁,限定第一個parcel必須寄去認證嘅地址,之後先可以更改。

Tenso_8

認證文件方面,主要係身份證明文件同所在地證明文件,所在地即係收件人認證地址所在地。若身份證明同所在地係位於同一個地區,就只需要提交身份證即OK;若兩者嘅地址不在同一個地區,就需要提交下面提到嘅資料啦~

Tenso_9

 

提交信息后,Tenso後台將會進行資料審核,後續可以留意頁面更新或者郵件通知,心急要用嘅朋友就冇辦法啦,依項審核確實比較time-consuming,建議大家提前做好準備啦!

Jshoppers:身份認證頁面係“我的賬戶”下嘅“本人確認狀況”,詳細嘅身份確認手續可以click鏈接了解。JS嘅確認頁面比較簡單,只有幾個上傳檔案嘅button。需要注意嘅係,JS默認係需要上傳兩個種類嘅身份證明材料,兩種都要求填寫證明文件號碼。第一個默認係身份證,第二個就可以選擇,護照、駕照、健康保險卡同學生證等任意一種都可以,應該都冇乜難度。

Tenso_10

兩種證件唔能夠上傳一樣嘅內容,否則無法通過審核。JIKMINE提交咗身份證同護照,係2日之後再次登入我的賬戶,頁面下就可以見到綠色嘅確認成功提示。

 

  • 集運地址獲取:謹記一人一個轉送號碼

 

轉送地址每個人嘅大致位置雖然都一樣,但後面嘅轉送號碼就只有一人一號,絕對唔重複,各位買買買謹記自己嘅集運號碼,填錯咗就會好麻煩!

Tenso嘅轉送地址係我的網頁就有顯示,而Jshoppers就係我的網頁下,選「複製日本的集運地址」就可以見到。要注意部分日本網站係需要區分全碼同半碼,JS方面提供咗兩種輸入嘅內容。具體嘅電商收貨地址填寫介紹可以參照此前嘅經驗:日本亞馬遜、日本樂天、日本蘋果商店。PS:JS方面日Amazon地址有變動,留意首頁公佈

Tenso_11

  • 落單后無需預入庫:首選支付寶付款(前提係你有支付寳)

係日本電商落單之後,確認轉送地址填寫無誤后,無需主動到Tenso或JS提交預入庫,基本上係可以坐等Tenso同JS嘅自動入庫。自動入庫嘅內容包括商品詳情同具體數量等。入庫咗之後,兩個集運公司都會通過Email通知用戶,JS方面會係包裹簽收、稱重同集運費都各通知一次,Tenso都類似。係重量同費用核算后,就可以到Tenso或者Jshoppers嘅我的主頁裡面查詢在庫商品。

根據頁面提示進行結賬,部分商品需要係結賬嘅時候填寫購買價格,貨幣係日圓。支付方式方面,Tenso支持VISA、Master、AE、JCB同Paypal仲有支付寶,Jshoppers支持Tenso所支持嘅全部支付渠道之外,仲多出一個Dinners卡。建議各位使用支付寶付款,會自動按實時匯率折算,當然如果有銀行信用卡做活動仲抵嘅話就用信用卡囖,邊樣著數用邊樣。

Tenso_12

  • 集運費用同總結:附錯誤案例參考

 

費用&對比

雖然Tenso號稱手續費低至50日圓,但依然冇辦法改變高富帥首選嘅特質,大加睇下Tenso嘅運費計算工具就明白,可以再比較下Jshoppers嘅運費介紹頁面。

Tenso嘅手續費係50日圓起,隨住重量嘅增加而增加,而JS就均一價150日圓,以2KG包裹為例,入門首選渠道同樣為EMS,時效一樣係2-6日,Tenso價格係4020日圓,JS價格就只需3000日圓,差價幾多一眼可知。

當然有時候呢兩間嘢會輪流搞活動,咩免手續費ar,減免ar,等等等等,Jikmine 講嘅係一般情況,大家自己要再三比較。

Tenso_13

Tenso_14

Tenso同Jshoppers硬係要對比嘅話,其實唔可以客觀咁講誰勝誰負,前者價格高但服務一流,日本買Iphone6最艱難嘅時候都可以頂住爆倉嘅壓力;而後者價格OK兼係冇乜壓力嘅情況下速度都可以媲美前者,但係若果遇上爆倉,就真係要等一個月以上啦!

另外,Tenso仲有除EMS渠道外嘅更多選擇,包括航空件、SAL、海運等更加「低價」嘅集運渠道(對比其他支持海運嘅公司其實一D都唔低),上手咗EMS渠道嘅朋友可以進一步了解下,Jikmine後續都會發佈關於日淘其他三種集運渠道嘅詳細介紹,記住keep住follow我地!

 

總結&注意事項

日淘集運仲係比較容易上手嘅,簡單註冊同驗證之後就可以使用,支持支付寶付款跟蹤起嚟都十分簡單,注意地址唔好搞錯就OK。

以下分享一則錯誤案例,呢位同學因為填錯咗JIKMINE係日亞經驗上提及過嘅轉送號碼,購買嘅尿布已經足足放係倉庫2個月

Tenso_15

Tenso同JS都支持合箱集運,但都要收唔少嘅疊加手續費,所以落單嘅時候就需要盡量控制包裹數量,可以一個包裹盡量一個包裹。PS:日本amazon訂單唔好同時訂購太多品類,容易被分箱發貨,欲哭無淚TAT。

唔係所有商品都適合EMS渠道,例如上邊嘅尿布就唔適合EMS渠道啦(有錢任性就另計),仲有單價平,重量唔輕嘅—–北海道馬油,250g,EMS運費仲貴過件貨唔少。需要運送呢類產品嘅同學可以暫時考慮一下Tenso嘅海運渠道(1-3月到達),後續都可以參考JIKMINE嘅海運經驗。

日本海外網購而言,Tenso同JS往往都唔係首選,集運公司其實有多種渠道、增值服務等可供選擇,仲有不少係免費合箱,雖然時效同產品保障肯定比唔上EMS,但價格同服務自然更加超值。但作為入門教程,Jikmine建議EMS渠道就OK。

禁運品:Tenso同Jshoppers都有各自嘅禁運條款,內容亦基本一致。而類似帶有電池嘅數碼相機等,兩間公司都有將電池安裝到機身嘅服務,電池係支持EMS集運嘅,但類似女朋友呢類物品就自然係唔可以運翻來啦!

關於保險:EMS渠道默認係贈送2萬日圓以下全額保險,超過2萬日圓后就每2萬日圓需要俾50日圓保險費,例如10萬日圓就要200日圓保險費,Tenso只需要保險費,而JS需要再俾保險手續費50日圓per order。係保險呢方面Tenso比較有優勢!

Tenso_16

即 買
*外國網站價格變化較快,最終價格請參考網站顯示價格。
*post中港幣價格僅供參考,實際價格視即時匯率而定。
See More


Gilt官網網購攻略

網購攻略

Gilt網站一直係大家比較熟知嘅美國閃購網站,今日就同大家介紹下Gilt官網購物攻略,幫你搶到最hit百貨!

Gilt閃購對香港人嚟講並唔係好陌生,鑒於Gilt強大嘅品牌支持,同埋支持直送香港,所以一直受到好多香港人嘅追捧。由於係限時嘅折扣網站,所以商品一般都係有限嘅,對於一d熱銷嘅商品,就真係手快有手慢無!所以想買嘅就要即刻出手!跟住落嚟Jikmine會教大家點樣係依個網站註冊同講解下購買流程。

第一步:輸入www.gilt.com進入Gilt官網,click右上角嘅register註冊

GILT_1

第二步:輸入你嘅Email地址

GILT_2

第三步:為你嘅帳戶set一個密碼,然後選擇你嘅性別,佢會根據你選擇推薦一d 產品畀你

GILT_3

第四步:註冊成功之後,你就可以係右上角睇到你嘅帳號資訊,目前gilt支持直送香港,所以會自動顯示香港區旗圖標。如果你考慮集運嘅話,你可以click修改,因為有d商品係唔可以直送香港嘅,如果保持香港地址可能會落唔到單!

GILT_4

第五步:進入專題,選擇你心水嘅商品

GILT_5

第六步:揀中你心儀嘅商品,click進入商品頁面,確定要買,就將佢加入購物車到

GILT_6

依到會睇到Waitlist嘅字樣,單從字面理解其實你就應該知道有咩作用了,可能大家都有訂機票嘅經驗,訂機票嘅時候,如果艙位唔夠,咁你嘅預定就有可能出於Waitlist狀態,等到佢哋放艙嘅時候,佢哋會根據順序放出艙位。 咁究竟應該點用Waitlist?其實好簡單,你係佢哋網站購物嘅時候,選擇好商品同尺寸等等,你會發現係佢哋網站除咗有一個Add to Cart(加入購物車)嘅按鈕之外,係佢嘅下面有一個Add to Waitlist(加入到候補),如果你發現你所選嘅商品無法加入購物車,或者被告知商品已經售完,咁你就將佢放入Waitlist啦,話唔埋運氣好,你仲有機會。

第七步:加入購物車之後,可以睇到商品嘅預計發貨時間,所剩嘅結算時間同購物嘅金額

GILT_7

特別需要注意嘅就係:每件商品進入購物車後只能保存10分鐘,10分鐘內如果未進入埋單步驟,相應商品就會失效,如仲想購物,需要delete咗呢件失效商品先,然後再翻去網站到重新選擇。

因此如果遇到合適嘅暢銷品牌商品,可以直接去結帳先,以免因為超時而買唔到。落單後可以再繼續揀其他商品,間隔唔超過1小時嘅訂單,網站只收取一次運費。

第八步:埋單,設置你嘅收貨地址

GILT_8

如果想直送,country一欄揀Hongkong,揀咗之後如果出現右側嘅提示文字,jeh係話訂單中有商品唔支援國際直送,只支持發運到美國。

如果唔可以直送嘅話,就改填集運公司嘅美國地址就得啦。將country一欄改為United States,然後按照集運地址填寫。關於集運,大家可以留意翻我哋之前嘅post,有專門介紹美國集運。大家亦都可以自己對比下直運同集運嘅價格,跟住唔洗Jikmine教都知揀平嗰個啦!

填好送貨地址(shipping address)後,click右下角按鈕“Save&Continue”(保存並繼續)

第十步:設置你嘅支付資訊

GILT_9

click右下角按鈕“Save&Continue”(保存並繼續)

 

第十一步:預覽並正式提交訂單

GILT_10

至此,成個購物流程就結束啦!

最後講多句,網站經常會update,註冊同落單嘅過程可能會有少少唔同,不過都大同小異,如果有唔明嘅地方可以直接留言畀我哋,或者去我哋官方FB page 到PM我哋。

即 買
*外國網站價格變化較快,最終價格請參考網站顯示價格。
*post中港幣價格僅供參考,實際價格視即時匯率而定。
See More


美國網站6pm 新手購物攻略

網購攻略

重申一下,我哋唔係集運公司,需要自行搵集運公司幫手。

上次我哋講咗一下點樣用集運購買美國Amazon,今次我哋呢睇下點樣用集運嚟買6PM嘅items啦。因爲6 PM 係唔支持直郵嘅,所以必須使用集運公司嚟到購買。

可能Amazon大家就會比較熟悉同埋會放心購買,但係其實可能大家唔知道6Pm其實係美囯Amazon旗下嘅一閒公司專門做d減價貨品。經常有超低價2-3折嘅筍野放出嚟,當然好野梗係好快冇,同埋加上時不時會有額外優惠折扣碼放出嚟,可謂低處未算低呀。最值得留意嘅係6pm 買任何貨品都係免美國境内運費,大家只需要畀集運費用即可買到心水嘅貨物啦。

大致就介紹咗下6Pm呢個網站,言歸正傳下面我地嚟一步一步講解下點樣係呢個網站購物,同埋有乜值得留意。

Step 1:註冊賬號

6pm 1

呢步就唔洗我哋介紹啦,主要就係註冊個賬號。

Step 2:選擇心水貨品

6pm 2

撿選到自己心水嘅貨物後,之後就可以check out 啦。同樣地冇乜特別。

Step 3:輸入海外收貨地址

好似美國Amazon甘,簡單地入返集運公司提供嘅海外收件地址作為收件地址即可。仲未知有乜集運公司可以用?可以去我哋集運頁面睇下[直達鏈接] 。仲未識點獲取免費海外倉庫地址,可以留意返我哋上一個post,美國Amazon之集運攻略。

Step 4:選擇郵遞方式

其實大家可以見到有兩個免費嘅速遞,JIKMINE兩個都試過感覺上都差唔多,所以就任君選擇啦。

Step 5:折扣碼

6Pm 會隨機發佈一d折扣碼(多數係9折碼,但係一年會有幾次8折通常係黑色星期五先會有)對任何物品均可使用做到折上折。Anyway,想搶先一步獲得discount code,記住關注住我哋facebook 專頁啦。如果冇discount code 甘呢步當然係pass 啦。

6pm 3

Step 6:填寫信用卡資料

好簡單就按照你信用卡上面資料填寫即可。

Step 7:填寫賬單地址

呢步比較重要,因爲你係賬單地址上面係搵唔到有香港嘅。但係你可以甘做,City 填返香港,State 選擇 AA,Zip 填 00000 就可以啦。

6pm 4

Step 8:落訂單

6pm 5

最後Submit 訂單就可以啦,但留意返6PM唔可以自行取消訂單嘅,所以落單之前一定要睇清楚所填嘅資料是否全部正確。萬一真係手快快落咗單,都唔洗驚,有三個方法可以取消訂單。

第一打電話,最快不過就要等客服上綫。

第二上FB,通過FB客服都可以取消訂單,時間上面都係比較快。

第三send email 去cs@6pm.com, 最簡單不過客服復郵件勁慢可以發貨之後佢哋都未幫你取消訂單。

 

希望呢個攻略可以幫到你啦,更多購物攻略請留意我哋集運攻略嘅頁面。

即 買
*外國網站價格變化較快,最終價格請參考網站顯示價格。
*post中港幣價格僅供參考,實際價格視即時匯率而定。
See More


美國網站Drugstore 購物全攻略

網購攻略

drugstore 網友都俗稱DR,係美國最大嘅個人食藥衛護類用品在線銷售網站,隸屬於世界最大嘅食品藥品零售Walgreen公司,覆蓋母嬰、保健等等,數量眾多而且品類龐大。此外網站友好,非常適合爸爸媽媽幫BB買安全放心嘅產品。

講咗咁多,呢家開始入正題啦,首先你要註冊集運公司啦,你仲需要有一張信用卡,Visa/Mastercard/AE都得嘅。然後我哋就開始註冊DR啦。。。

開始係DR購物嘅話,首先要註冊呢個網站嘅賬戶,點擊紅框裡面嘅Sign in,好似呢家註冊係無咗新人優惠,但係註冊之後會不時收到優惠嘅郵件,呢啲都係優惠專屬郵件嚟嘅,需要從郵件入去網站買嘢。

drugstore-1

然後點擊呢度“creat a new account”,就可以創建一個新賬戶la…當然,你都可以先買物品,係埋單嘅時候再創建新賬戶,雖然DR都可以以Guest即係顧客身份埋單,但係考慮到以後查詢之前訂單記錄嘅方便起見,都係建議大家創建一個賬戶嘅。

drugstore-2

之後就按照下圖指示填入你嘅姓名、郵箱、密碼就可以完成創建la…

drugstore-4

整個網站嘅佈局就好似下圖所示,可以按產品種類選擇要購買嘅產品然後落單,當然都可以用搜索功能。下面就以California Baby面霜為例子展示一個購買教程la…

drugstore-6 drugstore-5

大致睇完確認無誤之後就得la,注意產品嘅庫存、規格等,呢家填寫好需要嘅數量就落單la。點擊add to bag可以添加到購物車。係呢度提醒下大家,special offers經常有點擊可以立減金額或者買N免1等等嘅優惠,大家記得要勾選使用ar。仲有截圖下面呢個Auto-Reorder & Save,都係可以產生優惠嘅。關於呢個special offers同Auto-Reorder & Save有啲需要注意嘅地方,等下都會係文章後面講下。

點擊下圖嘅購物袋圖標或者紅色框的地方進入購物車頁面

drugstore-8

我哋嚟到購物車頁面,注意頁面中提示嘅ShopRunner,即係網友俗稱嘅“小綠人”,如果有ShopRunner嘅話就可以享受佢提供嘅免費兩日達服務,不過需要注意嘅係訂單滿25美金先可以用。如果無其他問題就可以單擊“continue shopping”,否則就點擊“checkout”埋單la…

drugstore-7

點擊“checkout”之後就嚟到地址添加界面,跟住我哋就添加集運公司嘅地址la…

drugstore-9

跟住我哋就嚟到畀錢階段la…Visa/Mastercard/AE卡都可以畀錢ga…又或者你可以選擇paypal。

drugstore-10

係添加完成支付界面之後仲有機會最後確認訂單,呢度顯示嘅係今次訂單嘅最後詳情,如果有使用優惠嘅話都會係呢度顯示出嚟,如果有Coupon嘅話,記得一定要添加係PROMO CODES AND GIFT CARDS呢一項裡面,然後點擊apply應用Coupon。最好係呢步將訂單裡面嘅詳細內容都確認清楚,保證優惠之後價格無錯就可以點擊palace your order嚟確認落單la…運費方面,除咗小綠人服務之外。DR仲提供標準運輸、2日達、隔日達等服務。一般嚟講我哋唔急就可以選擇標準運輸,運費係6美金,滿35美金可以免除。

drugstore-11

咁你就成功落單la…另外Drugstore貼心咁提供落單之後再修改訂單嘅功能。一般係15分鐘之內可以修改。

點擊你嘅account,你會見到下圖所示,呢個就係上面提到嘅drugstore自身網站嘅積分,你嘅每一個訂單drugstore都會返還所畀金額嘅5%去你嘅賬戶,相當於總價打咗95折,加上drugstore本身嘅促銷同自身商品價格嘅優惠,真係好抵嘅。但係需要注意嘅系積分只有係下一個季度嘅第一個月先可以用,而且只可以係第一個月之內用,比如我呢單係11月落嘅,就只可以係下一年度嘅1月1號~31號用la…

drugstore-12

當你訂單成功生成嘅時候,drugstore會發一封訂單確認嘅Email畀你,呢封只係訂單確認嘅Email唔會真正扣款嘅。祗有Drugstore完成發貨準備可以發貨嘅時候,先會實際扣款並且發貨,跟住你郵箱仲會收到另一封郵件,呢封發貨通知郵件裡面包括咗訂單嘅發貨方式、快遞公司名同快遞單號。當然你都可以係你網站裡面點擊account,然後點擊“orders”,然後下圖嘅“view details”嚟確認訂單嘅發貨方式同快遞公司、單號。當然如果要取消訂單都可以係度點擊Cancel Order,如果成功取消嘅話,信用卡上面凍結嘅錢會原路退翻去你當時付款嘅銀行卡裡面。

drugstore-13

剛剛上面提到嘅Special offers,主要有CODE、買N送1之類嘅方式,需要勾選即可以享受,但係經常會有雙重優惠疊加嘅情況出現,可以做到好好嘅價格甚至係歷史低價。

Drugstore呢項服務類似Amazon嘅Subscribe & Save即S&S,即係網站為日常消耗品提供嘅週期訂購服務。DR嘅Auto Reorder & Save同Amazon唔同嘅係,Amazon提供最高15%嘅優惠(條件係每月收到5件或者以上嘅S&S服務,否則只可以享受5%)。而且選擇S&S首單就可以享受5%嘅優惠,咁樣就會令到有啲客戶為咗享受5%嘅優惠而訂購一次就取消。DR為咗避免咁樣嘅損失,規定一件商品從第二單起先可以享受咁樣嘅優惠,閱讀條款可以發現,呢種服務嘅取消、更改、暫停都好自由。

drugstore-14

特別提示一下drugstore.com係可以同BEAUTY.com共用同一個購物車,Beauty係美妝、個人護理等產品嘅熱門購物網站,佢嘅購買流程類似DR。而且兩個網站係可以一齊落單、一齊埋單、一起發貨。但係需要注意嘅係,兩個網站有時候嘅價格會唔同,需要自己多加比較。

即 買
*外國網站價格變化較快,最終價格請參考網站顯示價格。
*post中港幣價格僅供參考,實際價格視即時匯率而定。
See More


origins美國官網購物全攻略

網購攻略

Origins係Estee Lauder 雅詩蘭黛旗下嘅一個美妝保養品牌,以“天然為本,科學為證”為宗旨,致力于創造高效天然嘅護膚同化妝產品。Origins產品都源於天然植物資源、有機植物成分同100%純天然植物理療精油。因為佢傳承並且發揚嚟自植物同科技融合嘅神奇能量,係當今“天然”風潮越刮越犀利嘅全球美容界裡面,獨領風騷。

 

首先就梗系搵集運公司la…然後進入Origins官網首頁,點擊右邊Origins嘅標誌,有下拉嘅菜單,輸入姓名,註冊郵箱,密碼,點擊REGISTER就註冊成功la,如果之前已經註冊過嘅點擊sign in登陸就得lor…

origins-1

註冊之後登陸,然後就可以睇下會員中心有咩功能la,首先左邊導航欄,Order就係你查詢訂單記錄嘅地方,如果遇到咩問題可以live chat係網站客服咨詢,跟住就係address book呢欄la,點擊右邊會顯示shipping&billing就係收貨地址同賬單信息,我地註冊之後可以添加相應嘅美國收貨地址同付款信息。

origins-2

點擊上圖第一個ADD NEW ADDRESS添加收貨地址,即係寫集運公司嘅美國倉庫地址,具體填寫如下:

origins-3

然後點擊ADDRESS NEW CREDIT CARD可以添加保存一下付款信息,填寫卡號,有效期,安全碼,然後添加賬單地址billing address一般建議寫真實嘅賬單地址,填寫好保存就得la…

 

origins-4 origins-5

以上前半部分工作做好咗之後就可以去揀鐘意嘅商品la…

 

drugstore-6

到商品頁面,選擇數量之後加入購物車就可以埋單la…

origins-7

點擊CHECKOUT去結算,如果有CODE,係右邊輸入后點擊APPLY應用CODE享受優惠。

origins-8

繼續之後彈出一個窗口,選擇一個SAMPLES,點擊繼續

origins-9

可以見到顯示右邊有購買嘅商品,點擊EDIT可以編輯購物車,有唔要或者數量需要修改嘅都可以更改刪除,左邊嘅shipping address係收貨地址,即係美國集運公司嘅倉庫地址,點擊右邊嘅EDIT都可以編輯修改gar…

origins-10

然後見到下面嘅內容,顯示嘅係付款方式同賬單地址billing address,如果需要更改信用卡信息同賬單地址,同上面修改收貨地址操作一樣。

origins-11

即 買
*外國網站價格變化較快,最終價格請參考網站顯示價格。
*post中港幣價格僅供參考,實際價格視即時匯率而定。
See More


美國波鞋網站Eastbay 購物全攻略

網購攻略

Hello everybody!我Jikmine又嚟為大家講課la~

今日嘅課題係美國運動周邊購物網Eastbay嘅網購教程。
首先我哋大家一齊嚟瞭解下Eastbay哩個website。
Q:Eastbay係個咩網站嚟ga?裡面係賣咩ga?價格方面點樣?
A:哩個係美國嘅一個大型運動周邊嘅購物website,裡面有各種衫褲鞋襪甚至連帽,籃球同球棒都有,而且哩到同嗰啲專門賣運動商品嘅website唔一樣嘅地方就係哩個website甚至仲賣埋休閒復古鞋同個別嘅限量款。至於價格方面呢,單睇售價嘅話確實唔可以話好平,但好就好在哩個website基本每個月都有各種優惠碼可以用,係黑五嘅時候甚至仲有唔少歷史低價。

Q:咁Eastbay哩個website有邊啲牌子嘅商品?商品嘅品質係點?堅唔堅?
A:哩個website出售嘅商品種類奇多,多到我都唔想再講啲咩了,畀幅圖大家睇下就明白我嘅意思了。

0

Eastbay 購物落單教程基本上各種大牌小眾嘅主流嘅都有,反正凈係認得四大跑鞋同Adidas、Nike嘅我係知足了。至於真假嘅問題,網上咁多朋友都係哩個website上買過鞋,至今都無聽講過話有A貨嘅問題,Jikmine買過幾次鞋嘅品質都OK無咩問題,所以哩方面大家仲係可以放心嘅。

Q:咁哩個website支唔支持直運香港ga?
A:Eastbay係可以直送香港嘅,不過運費呢,有啲貴咁囖,所以Jikmine都係建議大家用集運公司運翻嚟,可以慳翻好多,不過就麻煩啲囖,自己衡量下la。
好la!瞭解完哩個website之後,我哋就入正題,開始講解Eastbay嘅購物流程。

 

一、輸入以下鏈接進入Eastbay:http://www.eastbay.com/

1

 

二、首先例牌註冊一個新嘅帳戶,點擊右上角嘅My Account。

1-1

 

 

跟住再點擊Create New Account

1-2

 

 

然後就進入註冊帳戶嘅介面,雖然要填嘅資訊都好簡單不過我都係同大家稍為翻譯咗下。最下面嗰行「是否接收郵件優惠資訊」Jikmine個人建議tick埋佢,可以用嚟接收郵件優惠碼。

1-3

 

 

然後website會sent一封確認郵件畀我哋註冊時填寫嘅郵箱。

1-4

 

 

我哋只需要將郵件上面嘅「Verification Code」郵箱驗證碼填落去就得了。

1-5

咁就搞掂啦!跟住就可以開始揀你心水嘅物品la!

 

三、首先係搜索框到搜索你想購買嘅物品,係依到我就以NIKE ROSHE ONE為例,係輸入商品名稱之後會彈出一個預覽嘅資訊頁,我哋可以直接點擊需要嘅物品進入購買頁面。

2

 

 

不過呢為咗詳細介紹Jikmine都係點擊咗搜索進入搜索介面,進入搜尋網頁面後我哋就可以睇到有關「NIKE ROSHE ONE」有關嘅所有商品資訊了,裡面唔同配色唔同年齡段嘅高低幫鞋款都有,我求其揀咗款藍色嘅同大家做個示範。

3

 

 

係點入去之後我哋就可以睇到哩對鞋嘅詳細圖片,同時都有一啲相關嘅技術資料介紹。

4

 

 

然後我哋點擊「SIZE」選擇碼數,可以被選中嘅就表示仲有貨,不過由於website資訊更新嘅問題,具體嘅庫存情況都係要等到落單嘅時候先可以明確,有時候就算你可以加入到購物車,但係落單嘅時候都會提示你已經無貨了。

5

 

 

如果哩個款有好多隻色嘅話我哋點擊「SHOW ALL」就可以全部都睇到

6

 

 

點擊咗之後,所有嘅顏色都會顯示出嚟

7

 

 

 

如果我哋想睇該商品嘅大圖嘅話點擊圖片左下角嘅嗰個「View Full Screen」就可以睇到高清嘅大圖,有啲鞋款得一副圖,有啲會有唔同視角嘅細節圖。

8

 

唔同視角嘅細節圖

9

揀啱size同埋顏色之後點擊「ADD TO CART」加入購物車就得la

10

 

 

係成功加入購物車後會彈出一個小嘅購物車預覽介面,我哋可以繼續購物或者點擊「VIEW CART & CHECKOUT」進入購物車介面落單購買

11

 

 

進入購物車介面後就可以睇到我哋頭先放入購物車嘅商品資訊,係右邊點擊個箭頭之後可以選擇運送區域,運送地址嘅郵編,運送方式同埋填寫優惠碼,哩個website成日會有各種優惠碼,而且優惠嘅力度都唔小,經常都有8折甚至有時候仲會有75折碼,到時候我哋將相應嘅優惠碼填入「Enter Promo Code」就得了。全部填完之後點擊「CHECKOUT」進入結算介面。14

 

 

 

Jikmine試咗下將運送嘅地方改成香港,下面係一對鞋直運香港嘅運費,係咪好貴下?Anyway,相對於集運嚟講真係幾貴下囖。15

 

 

講翻入正題,點擊「CHECKOUT」之後就嚟到呢個介面,我哋可以選擇登陸帳戶落單或者係使用遊客帳戶落單,不過反正都唔會好麻煩,係依到Jikmine都係建議大家登陸翻自己嘅帳戶好啲囖。

16

 

 

登陸之後呢就填寫帳單地址,用英文字母填翻香港嘅地址。

17

 

 

之後填寫收貨地址,收貨地址因為我哋係用集運公司幫手運,所以個地址最好就直接係集運公司個website到複製粘貼。

18

 

 

填寫集運公司畀你嘅地址

19

 

 

填完收貨地址就選擇運送方式,如果唔係好急嘅話,可以選最慢嘅,唔洗錢啊嘛!

20

 

 

之後就選擇支付方式,如果用信用咭就填寫信用咭嘅信息,信用咭信息嘅填寫好簡單,只要選擇好信用卡類型,填好卡號同有效日期就得了,唔洗我講相信大家都知道應該點填寫。或者可以選擇Paypal支付。

21
填寫完後會再畀你確認一次,確認無誤後點擊「SUBMIT ORDER」提交訂單就得了,到哩到成個流程就結束啦。跟住落嚟就係耐心咁等待發貨了。

22

 

 

如果想睇翻訂單狀態嘅話只需要點擊「MY ACCOUNT」進入我嘅帳戶,就會有最近嘅訂單顯示出嚟。

23
等到你啲貨到咗集運公司之後,再上翻集運公司嘅website到進行相關嘅操作,將你減貨運翻香港,咁就OK啦!如果你仲未識用集運公司,就睇翻我睇之前嘅post啦!有好詳細嘅教程~今日就講解到呢到,如果有唔明嘅地方可以直接留言畀我哋,或者去我哋官方FB page 到PM我哋。

即 買
*外國網站價格變化較快,最終價格請參考網站顯示價格。
*post中港幣價格僅供參考,實際價格視即時匯率而定。
See More


MUJI無印良品 日本官網購買全攻略

網購攻略

MUJI無印良品 日本官網購買教程

虽然香港都有Muji,但係呢好多朋友都選擇係日文買。點解?原因並唔在於有幾平,主要係在於款多,日本官網d款式要比香港多唔知道幾倍。

muji_1

今日就等Jikmine 嚟介紹一下究竟點樣係MUJI 日本官網買嘢啦,可能好多朋友仔都未有海外網購經驗,不過跟著Jikmine 一步一步就可以買到心水貨品啦。首先係介紹,下面係MUJI嘅介紹(該內容出自互聯網)

“無印良品係日本一個雜貨品牌,起日文裡面意味住無品牌標誌嘅好產品。產品類別以日常用品為主。產品注重淳樸、簡潔、環保、以人為本等理念,起包裝同產品設計上都無品牌標誌。產品類別從鉛筆、筆記本、食品到廚房嘅基本用具都有。最近都開始進入房屋建築、花店、咖啡店等產業類別。

無印良品嘅最大特別之一就係簡約。佢嘅品牌拿走咗商標,慳翻不必要嘅設計,去除咗一切不必要嘅家公同顏色,簡單到凈低素材同功能本身。除咗店面招牌同紙袋上嘅標示之外,起所有無印良品商品上,顧客好難搵到佢嘅品牌標記。起無印良品嘅專賣店裡面,除咗紅色嘅“MUJI”方框,顧客幾乎睇唔到任何鮮艷嘅顏色,大多數產品嘅主色調都係白色、米色、藍色或黑色。

起商品開發裡面,無印良品對設計、原材料、價格都制定咗嚴格嘅規定。例如服裝類嚴格遵守無花紋、格紋、條紋等設計原則,顏色上面凈係用黑白相間、褐色、藍色等,無論當年嘅流行色幾咁受歡迎,都絕對唔會超出設計原則去開發產品。

有人認為,與其話無印良品係一個品牌,不如話佢係一種生活嘅哲學。佢唔強調所謂嘅流行,而係以平實嘅價格還原咗商品價值嘅真實意義,并起哩個似有若無嘅設計裡面,將產品升華到文化層面。如今,無印良品嘅產品種類已經達到6000種左右,國際著名嘅財經雜誌《福克斯》,都曾經將佢評為全球最佳中型企業。”

===================================================================================

無印良品日本官網購具體購物流程:

好啦,廢話就係咁多啦,下面就係正題啦。

1、註冊

首先,嚟到日本MUJI嘅官網。

muji_2

網上商城

muji_3

入去網上商城后,起頁面嘅左上角搵到註冊嘅鏈接

muji_4

嚟到新嘅頁面后再點擊註冊會員

同意服務協議!唔同意就唔俾買囖。

muji_5

點擊同意

跟住就係最重要嘅資料填寫環節啦

muji_6

無印良品官網填寫個人信息同收貨地址喇,日本都有唔少嘅轉運(集運)公司,Jikmine 都介紹過好多次,唔再重複啦。

muji_7

填寫轉運公司等信息以及收貨詳細地址

muji_18

muji_8

最後就係確認你所填寫嘅信息,確認無誤后,點擊最下面噶黑色按鈕就OK啦。恭喜你,你可以開始係日本MUJI上面買你想要嘅嘢啦。

 

3、購物車

好啦,註冊成功之後,就可以開始買自己心儀嘅商品啦。睇到好嘢,我哋就先加入購物車裡面啦。日本嘅MUJI貌似都幾槍手嘅,有時特價嘅時候,好嘢一眨眼就無曬啦,所以要眼明手快喔.

muji_9

商品揀好之後,搵到網頁右上角購物車嘅圖標。

muji_10 muji_11

 

點擊黑色按鈕確認

確認購物車裡面嘅型號,數量無問題之後,點黑色嘅圖標。唔好點下面灰色嘅圖標喔,果個係選到店裡面自提嘅。留意翻日本MUJI係滿5000日元先免日本境內運費!

muji_12

選擇咗寄送去你嘅轉運地址之後,跟住就係選擇寄送日期,禮品包裝等等。禮品包裝係需要額外加錢嘅,仲有果個屆先分割最好都唔好tick,tick咗看能會被分開配送,會影響到你嘅轉運(集運)嘅操作。

muji_15

跟住就係確認支付信息啦,日本MUJI完全支持日本境外信用卡,大家可以放心購買。

muji_14

最後一步訂單確認

muji_16

確認支付后,日本MUJI会即刻扣款。购买嘅订单信息都可以係账户记录里面查询到。搵到页面左上角嘅用户名,点一下就会出现下拉嘅菜单,订单记录嘅菜单就係裏面。

muji_16

打開訂單記錄就可以睇到自己嘅訂單啦。

muji_17

如果訂單狀態顯示 “注文承り中”就說明訂單仲起度準備緊,起哩個階段中可以點擊下面嘅“キャンセル”取消你嘅訂單。但係如果訂單狀態顯示“出荷中”,甘就說明已經發貨啦,然後就去你嘅郵箱去睇下有無收到郵件啦。運單號係通過郵件發俾你嘅,訂單信息裡面係搵唔到,網站任何地方都係搵唔到!一定要留意!

好啦,哩個教程基本就到哩度結束啦。大家有咩唔明白唔清楚嘅可以留言嘅。

無印良品官網購物注意事項:

  1. 關於size 方面如果覺得有問題,Jikmine建議大家可以先去專賣店到感受一下,順便試下尺寸再買。
  2. 日本MUJI除咗會郵件通知9折優惠之外,不定時都會有d打折嘅商品銷售,但係好似唔會有任何嘅通知。只有自己經常關注先可以發現,或者關注Jikmine都可以,如果唔係打折嘅商品就好快被搶完咯。

 

對於轉運(集運)公司無提供用戶名並且起註冊嘅時候出現 “問題が発生したため処理を継続することができませんでした”提示嘅同學,麻煩仔細睇睇下面嘅內容啦:

轉運(集運)公司如果無提供用戶名,就要自己去改一個用戶名啦,唔使擔心轉運(集運)公司收唔到你嘅包裹,只要你落單填地址嘅時候將轉運(集運)公司提供嘅識別碼寫上去就得啦!註冊嘅時候出現 “問題が発生したため処理を継続することができませんでした”提示,大多數情況下就係因為用戶名填寫唔正確。大家可以用拼音大寫填寫註冊,無論用戶名定係片假名都係甘填寫,Jikmine試過有效!需要個性用戶名嘅朋友,我哩度有個網站(http://www.gaoshukai.com/lab/0003/),哩個網站會起每次訪問嘅時候隨機生成100個日本名,個名上部分就係片假名,揀你鐘意嘅名直接複製黏貼就可以通過註冊啦。

  1. 註冊到最後一步個時候出現”問題が発生したため処理を継続することができませんでした。”嘅提示,註冊唔成功。出現哩種情況一般都係起註冊嘅時候姓名同片假名填寫有問題造成嘅。解決方法就參照上面啦!
  2.  註冊嘅時候顯示“携帯メールアドレス(アカウント)が不足しています。“嘅提示,註冊唔成功。註冊過程中,所有=”携帯メール“嘅選項一定要選”希望しない“!如果唔係就需要填寫日本移動運營商嘅郵箱啦!
  3.  俾咗錢之後購物車仍然有商品,購買記錄查唔到任何信息=咁就要更換信用卡重新俾錢啦。日本MUJI支持日文境外信用卡,所以無需要擔心。
  4.  訂單顯示”出荷完了 “,但係仍然無收到快遞單號建議先去註冊郵箱嘅垃圾郵件裡面搵下,如果都係搵唔到。可以去日本MUJI嘅客服網站度問佢地拿。進入客服網站,確認選擇”配送について“,起下面會出現嘅表格裡面選擇”配送について(商品が届かないなど)“,然後填寫你嘅“ご注文番号”,即係你嘅訂單號。起”お問い合わせ内容“裡面填寫以下內容:私の商品を追跡するために、私は私の注文トラック番号を知っておく必要があります。しかし、私はヤマト運輸からのメールを受け取るませんでした。私の注文は私に数を追跡送らください。ありがとうございます。

    然後,起下面留低你嘅姓名同註冊郵箱,最後確認填寫嘅內容無錯就可以提交,如無意外嘅話,第二日你就會收到MUJI嘅郵件,裡面就有你想要嘅快遞單號啦!

    下一次落單之前,記得將mail@kuronekoyamato.co.jpnetstore@muji.net添加到郵件白名單,咁就唔會咁麻煩啦。

 

即 買
*外國網站價格變化較快,最終價格請參考網站顯示價格。
*post中港幣價格僅供參考,實際價格視即時匯率而定。
See More


英國美髮護膚品網站HQhair.com攻略

網購攻略

HQhair.com 係英國知名化妝品網站,其出售嘅產品價格平而且品牌齊全,深受大家喜歡。尤其係出售嘅美髮產品,更加係應有盡有,可以滿足到愛美人士嘅各種需求。並且支持包括香港在內嘅全球免郵,所有嘅貨物都係通過英國皇家郵政運輸,可以自己上網check到個運送流程。 今日Jikmine就整理咗HQhair.com嘅海外網購攻略,大家一齊買買買!

官網網址:www.hqhair.com

首先 HQhair 依家屬於The HUT 集團,The HUT 旗下嘅網站,其實購買方式都係大同小異,佢哋嘅website有邊d?睇下下面幅圖就知了,上面嘅網站可以一個個打開嚟睇,各種各樣嘅都有。

HQhair_1

以HQ為例,係依到買洗頭水嘅人多,所以唔好一次買太多。

第一步:打開網址,點擊頁面上方嘅SIGN IN。

HQhair_2

第二步:點擊藍色圖標continue,註冊一個帳戶。

HQhair_3

第三步:填寫註冊資訊,Your Name可以隨便寫,唔用真名都無所謂。

HQhair_4

第四步:註冊成功,可以開始shopping了。

HQhair_5

第五步:選擇產品,以TANGLE TEEZER COMPACT STYLER  嘅梳嚟做例子,可以係最上面到輸入關鍵字search你想要嘅商品。或者係首頁慢慢睇,有好多新產品同優惠資訊。揀啱之後就點擊加入購物籃。

HQhair_6

第六步:如果仲想買其他嘢就click左面繼續購物,否則點擊右面進入結帳頁面。

HQhair_7

第七步:進入結帳介面,右上角有個貨幣轉換嘅,可以直接轉換成港幣,之後嘅金額就會顯示港幣。有優惠碼嘅填寫優惠碼,點擊add,優惠會自動體現,扣除金額,唔可以體現嘅話,就會顯示原因。

HQhair_8

第八步:點擊check out surely now ,進入填寫地址同埋付款嘅介面,地址用英文字母寫,電話要寫多幾次。

HQhair_9

第九步:付款資訊,選擇信用咭支付,跟住就填寫信用咭資訊,如果用Paypal支付嘅話會收多貨品嘅1%作為手續費,所以jikmine都唔係好建議大家用。帳單地址要用英文寫真實嘅香港帳單地址,或者直接tick同配送地址一樣,咁就唔洗再寫了,填完之後就點擊Submit my order提交訂單,就得啦!

HQhair_10

第十步:收到訂單郵件及訂單修改。

大概一到兩個工作日,會收到HQ發嚟嘅訂單郵件,確認訂單成功,如果想修改訂單,可以登錄website之後去my account到修改,再唔係就Email畀客服,要快,記得jikmine當時係LF到買咗嘢之後想取消,對方就話已經發貨了,唔可以取消,其實明明都未發貨。

成個購物流程就係咁了,跟住落嚟jikmine同大家講下需要注意嘅問題:

1 地址:唔好寫中文,英國嘅依幾個website售後麻麻地,同美國Amazon嘅情況唔多一樣,而且件貨漂洋過海,地址出現問題,隨便中間一個環節無投遞好,就等住30個工作日之後去退款都得了,咁jeh係四十幾日,而且根據好多人反應,有時候退款仲要fax好多嘢畀website,好鬼麻煩。

2 電話:電話最好寫多幾次,雖然地址欄入面有填電話嘅選項,但係有d  website係打印地址嘅時候會漏咗(真係神奇到不得了),所以最好係名後面都寫埋電話,company上再寫一次,萬一地址磨損睇唔清,郵遞員會直接打電話,確認地址,而且有d郵局嘅翻譯力唔強,都會直接打電話,所以電話一定要寫多幾次,自己去郵局攞都好過唔見咗件貨啊嘛!

3唔見貨:普遍反應LF啲貨運運下唔見咗嘅情況比較嚴重,有d朋友黑仔到一年唔見兩單,所以大家最好經常update下d物流資訊,一旦超過30個工作日無收到,就即刻Email客服,等唔切嘅可以睇住英國時間Email過去,基本上都會復得比較快,跟住就係按照佢哋嘅提示退款或者補發貨,最驚嘅係件貨畀人簽收咗,但係你無收到,依種就真係講都講唔清,到時要你提供駕駛證之類嘅就麻煩,所以地址一定要寫好。

4 價格:英國嘅嘢普遍比美國貴,定價上就已經比較貴,哪怕佢經常打折,折後感覺價錢跟美國差唔多,計埋運費會稍為優惠少少咯,但係好多牌子都係偏貴。所以比較在意價錢嘅朋友還係要多d比較下,多d關注英淘美淘嘅discount。

5 稅:雖然係香港無進口稅,但係都唔好一次過買一大堆嘢,尤其是係洗護系列,諗住幫買d親朋戚友買埋,洗頭水沐浴露一次過買十幾廿罐一個大箱咁寄翻嚟,好容易撞爛ga大佬!好多website都係一件就免運費ga嘛,分成幾單落咪得咯。

即 買
*外國網站價格變化較快,最終價格請參考網站顯示價格。
*post中港幣價格僅供參考,實際價格視即時匯率而定。
See More


Levis美國官網之購買攻略

網購攻略

Jikmine成日推介大家去買牛仔褲,咁啱準備中秋節加國慶節諗住上網睇下有無咩discount,哇!真係貴到飛起!一條Levis嘅牛仔褲打咗折都仲咁貴,諗諗下不如睇下大洋彼岸有冇折好過!因爲Levis美國官網成日都有discount,加埋運費都平過係香港買,所以呢今日就同大家分享下點樣係Levis美國官網買嘢啦。

Levis作為牛仔褲嘅始祖,佢歷經咗一個半世紀嘅風雨,從美國興到全世界,並成為全球各地男女老少都接受到嘅時裝。靛藍牛仔斜紋布、腰後側嘅皮章、褲後袋上嘅弧線、鉚釘、獨有嘅紅旗標等都係Levis嘅特點。

唔講咁多廢話,即刻嚟睇下點係Levis官網落單:

1、點擊進入Levis官網:http://us.levi.com/home/index.jsp,點擊右上角嘅sign in

Levis_1

2、跟住會出現以下畫面,如果你已經註冊過有帳號,就係右邊寫Email同密碼登陸,如果未註冊過就按照要求填寫右邊嘅資訊之後點擊 sign in(講多少少,可能有d朋友仔問點解要註冊嘅account,明明可以用guest畀錢,主要原因係有時候如果用guest 畀錢你check 唔到佢究竟發咗貨未)

Levis_2

3、就直接進入你嘅帳戶la,好簡單

Levis_3

4、好啦,註冊完我哋就開始shopping啦!Jikmine貪方便求其揀咗條比較經典嘅501嚟做例,右上角到輸入501之後點擊進入詳情頁,基本產品嘅顏色規格尺碼都係好清楚嘅,揀好就add to bag (又講多句,可能有d朋友仔會問究竟尺碼係米啱ga,以Jikmine 嘅經驗嚟講基本上同香港買嘅size 一樣,不過如果你仲係唔多放心,你可以check 返佢哋提供嘅尺碼表,咁就冇死啦。)

Levis_4

5、進入購物車查看你揀中嘅商品

Levis_5

6、查看價格,如果有優惠碼輸入就可以打折,確認無誤之後點擊付款,係依到可以睇到,Jikmine將褲嘅數量改成2就無咗運費,因為Levis官網依家買滿100蚊美金就可以免美國境內運費。

Levis_6

Levis_7

7、填寫地址,因為唔可以直運香港,所以填集運公司嘅地址

Levis_8

8、揀咗信用咭支付,就需要填寫帳單地址 (其實Jikmine用集運地址同香港地址都試過,基本上Levis 官網好友好祗要正常畀錢嘅咭就ok啦)

Levis_9

9、填完之後點擊下一步揀美國境內嘅運輸方式 ,跟住點擊付款填寫信用卡資訊

Levis_10

10、填寫完信用咭資訊之後向下拉確認下收貨地址同埋你揀嘅快遞方式,無錯嘅話就點擊確認訂單

Levis_11

Levis_12

付款成功之後就OK啦!你購買嘅商品發貨情況同物流資訊佢哋都會sent Email畀你!等你嘅貨物到咗集運公司之後再上集運公司嘅官網操作運翻香港就得啦!如果你仲未識點用集運公司,就留意翻我哋之前嘅post啦!有詳細嘅教程!

 

 

即 買
*外國網站價格變化較快,最終價格請參考網站顯示價格。
*post中港幣價格僅供參考,實際價格視即時匯率而定。
See More


德國Amazon之購買攻略–新手篇

網購攻略

Jikmine畀貼士:德國Amazon購物發貨到德國境外,有19%嘅退稅,顯得性價比好高,因此成為咗好多daddy媽咪嘅選擇。當然除咗德國Amazon支持直運香港之外,美國Amazon、購買保健品嘅iHerb 、買手錶嘅Ashford、買安全座椅嘅德國kidsroom、購買護膚品嘅英國lookfantastic等網站都支持直運香港,為大家提供唔少便利。

唔講甘多,講返今次嘅主題德國Amazon 網購攻略

Amazon前期準備

1.流覽器。有朋友推薦Chrome,因為可以自動翻譯,我哋都覺得好好,推薦!但係並唔係話唔用Chrome、唔識德文就唔可以買,祗要跟住我哋嘅教程一步一步嚟就得啦!

2.信用卡。值得留意嘅係一般我哋開嘅信用卡都係用美金作為中間貨幣,唔止有1.5%嘅貨幣轉換費,而且歐羅換美金嘅時候都會一定匯率差。

3.另外,有部分銀行會提供其他貨幣作為中間轉換貨幣如果成日買嘅朋友可以去了解下,如果齋買一兩次就無謂麻煩啦,Let’s ROCK!

具體流程如下:

第一步、註冊登陸

1.首先click以下網址http://www.amazon.de/進入德國Amazon嘅官網。如果之前註冊過,就click大黃色按鈕直接登陸;另外,德國Amazon嘅帳號同美國Amazon嘅帳號係通用ga,如果之前係德國Amazon到註冊過,都可以直接click大黃色按鈕登陸;如果都無註冊過嘅話,就跟住我哋嘅攻略註冊翻個啦!

Amazon de _1

2.新註冊帳號嘅話,如下圖,填寫用戶名、郵箱地址同密碼,郵箱同密碼要輸兩次。

第二步、購買商品

1.順利登陸之後,就可以search自己心水嘅嘢啦!揾到自己心儀嘅商品,加入購物車,依到我以購買Sennheiser嘅耳筒做例子。

Amazon de _3Amazon de _2

2.係到要注意下上圖中紅色框框入面嘅字,同美國Amazon一樣,要揀翻德國Amazon直營發貨嘅商品。如果唔係直營發貨一嚟可能唔可以直送香港,二嚟質量可能會無保證。如果揀咗非直營嘅商品,會點樣?會出現咁嘅提示語:

Amazon de _4

意思jeh係話,你選擇嘅商家唔可以將你所購買嘅商品寄送到你嘅地址,請換一個地址。(如果係用集運的話,就冇呢個擔憂)

第三步、填寫寄送資訊並購買

1.同其他Amazon一樣,跟住落嚟要選擇配送地址。當然你可以直接選擇一個以前用過嘅,如果係第一次,咁就稍為麻煩d,需要新添加一個地址。

Amazon de _5

2.添加新地址嘅時候,要注意,有三個資訊係最重要嘅!國家同地區!所在地!電話!點解呢三樣嘢最重要呢?唔好心急,後面Jikmine會話你知……(如果係用集運公司的話就按照集運公司所提供嘅資料填寫即可)

Amazon de _6

3.添加完配送資訊之後,就可以確認購買啦。

Amazon de _7

確認完配送之後,就嚟到咗信用卡資訊嘅地方啦~注意,首次使用新地址,jeh係話,就算你以前係德國Amazon上買過嘢,但今次用咗一個新嘅地址,就仲要再添加同確認信用卡嘅資訊(係統會提示)。

Amazon de _8

第四步、付款:

最後就係確認,付款!

Amazon de _9

睇落好簡單係咪?的確好簡單,幾乎無任何技術含量……

德國Amazon直送香港、美國、歐洲集運嘅對比

好啦,跟住落嚟Jikmine同大家對比下各種運送方式嘅價格!我以德國AmazonIE80做例。

係德國Amazon買咗嘢之後,要攞到手,必定係要通過快遞(你如果資源人肉翻嚟,都唔洗睇呢個帖啦~)。通過快遞嘅話,就有兩種:1、直送;2、集運。跟住落嚟等我哋嚟比下價格,睇下各種方式嘅優勢同缺點。

1、直送香港

請睇下面嘅圖片:

Amazon de _10

直運香港一般其實冇咩特別,除咗運費有兩種選擇之外,因爲一個快一個慢,冇咩特別。不過最重要嘅其實係除咗退19%德國嘅稅之外,重點係入口香港嘅商品都係冇入口稅嘅,換言之就甘打個8折左右。當然運費會畀用集運貴唔少,一般嚟講退稅同運費差唔多。

如果係通過集運公司嘅話,大概係嘅:

1、美國免稅州集運,請睇下圖:

Amazon de _11

從圖上可以睇到,配送到美國嘅話,都有兩種配送方式可以揀,運費相比寄往香港係明顯平咗,速度都快咗。但係都有一個8.19美金嘅入口稅。從最終價格嚟睇,並唔比直送香港平,仲要加埋從美國集運翻嚟嘅錢,真係貴出唔少啊!

2、澳洲集運,請睇下面嘅圖片:

Amazon de _12

從圖上可以睇到寄去澳洲都係無稅嘅,而時間方面同寄嚟香港差唔多。但係仲要從澳洲集運翻香港,時間同金錢方面又要多一筆。

3、德國集運

其實冇咩好講,除非唔可以直運香港嘅否則點都會比直運香港貴,因爲唔可以退稅!

 

所以,最終嘅結果係,直送香港係最簡單快捷又最平嘅方式!

 

仲記唔記得前面我講過,係填寫地址嘅時候,地區同手機號碼最重要?我依家就解釋下。德國Amazon發貨之後,首先係睇發往邊個地區,香港定係美國,發貨之後,由當地嘅UPS負責送到客戶到。明白未?你所在地嘅UPS收到包裹之後,會通知客戶配送,當然如果地址唔清楚或者唔正常,都會通過電話同客戶聯繫,jeh係話,如果係德國Amazon上嘅地址有錯誤,問題都唔算好大,因為係最後一段配送嘅時候,可以同本地嘅UPS講明。所以,配送地區好重要,如果一個唔小心配送到咗非洲或者南美,咁就無人救得到你拉;電話號碼都好重要,如果唔係UPS揾唔到你,過幾個月你買嘅嘢就會冇咗ga啦!

 

最後嘅最後,Jikmine祝你買到自己心水嘅貨品啦。

即 買
*外國網站價格變化較快,最終價格請參考網站顯示價格。
*post中港幣價格僅供參考,實際價格視即時匯率而定。
See More