網購攻略

海外網購集運具體操作步驟

之前Jikmine 出個一個post 同大家講咗下究竟代購、團購同集運究竟係d乜,同埋有咩好同唔好嘅地方。今次我哋嚟講下具體如何使用集運。

係具體講步驟之前,我哋再重申一次,Jikmine 唔係集運公司,我哋成日話叫用集運幫你手運d嘢返嚟其實係因爲通過呢個途徑買最抵。Jikmine 係一個海外網購優惠資訊分享平台,我哋致力於建立一個平台畀大家可以係呢到交流,同埋畀未接觸過呢種新嘅購物方式方法嘅朋友可以學到點樣買。所以大家如果想學點買可以問我哋,不過我哋唔代購同埋唔係集運公司呢點就要再次重申。

好,跟住我哋就嚟講返今次嘅主題,係開始之前我哋再講下點解要用集運幫手運件貨返香港:

首先,要畀大家再次了解何為集運(有部分人叫轉運),其實就如上一篇Post 所講,集運(轉運)係一種物流嘅方式,首先將一大堆貨物係當地收集,然後再一次過從其他地方運返港,從而減少運輸成本降低運費。相比起一件一件貨甘單獨寄返香港,運費可以平成一半有多。舉個例子,一對波鞋直運(直郵)返港大概運費需要180-200港紙,但係如果用集運的話就可以低至40-60港紙。所以巨大嘅差價就係點解Jikmine 經常叫大家用集運(轉運)幫手運返港嘅主要原因之一。

其次,另外一個主要原因就係,外國大部分賣筍嘢平嘢嘅網站,都唔支持直運(直郵)香港,所以集運(轉運)就有呢個優勢。因爲佢哋貨倉地址都係當地地址,所以等價於你擁有就一個當地嘅地址。唔需要再擔心海外網站唔支持直運(直郵),就買唔到平嘢。

跟住我哋就具體講下點樣用集運:

其實具體步驟好簡單,海外網站挑選心儀貨品—->填寫集運提供嘅收貨地址作爲海外網站派送貨物地址—->等集運(轉運)公司幫你運返香港—->自行到集運(轉運)公司提貨或送貨上門

詳細步驟如下:

  • 搵間集運(轉運)公司獲取海外收貨地址

去搵間集運(轉運)公司,然後註冊佢哋會員,獲取海外收貨地址。(香港都有唔少集運(轉運)公司,請大傢自行挑選),下面以美國集運(轉運)公司作為例子,歐洲同日韓嘅步驟都一樣。

373

 

P.S. 因爲Jikmine 冇同任何集運(轉運)公司有任何合作或者利益關係,所以圖片作出咗一定處理。

374

需要注意嘅係地址欄上面有個Ste.xxxx 嘅號碼,務必填寫,因爲呢個號碼係集運(轉運)公司識別你嘅重要憑證。

如另外一間集運(轉運)公司提供嘅海外收貨地址都有類似嘅號碼

375

  • 係網站上面填寫集運(轉運)公司提供嘅海外收貨地址作為網站送貨地址

之後就係海外購物網站上填寫集運(轉運)公司提供嘅收貨地址作爲送貨地址

376

  • 係集運(轉運)公司網站上面對你所購買嘅貨物進行預報(有部分集運(轉運)公司唔需要甘做),此步驟要等網站發貨後再做

378

377

然後去到你購物嘅網站查看物流信息,例如相應物流公司同埋發貨單號。然後填寫到集運(轉運)公司網站上進行預報。

380379

  • 去集運(轉運)公司香港倉庫提貨,或者使用佢哋送貨上門服務

係集運(轉運)公司網站付款之後,就等佢哋幫你運件貨返香港,然後你就可以去拎啦。

 

其實每間集運(轉運)公司網站上面都有相應嘅教程,所以大家可以去認真睇下佢哋具體步驟,因爲有d公司會有少少唔同,不過大體都差唔多。

最後可能大家最關心嘅係點樣係衆多嘅集運公司裏面搵一間好嘅,同埋點去衡量好與壞,下期Jikmine會分享一下我哋嘅經驗。

更多海外網購資訊請關注我哋啦,jikmine.com–海外網購優惠資訊分享平台。我哋每日都有最新鮮嘅網購優惠資訊同大家分享,而且有好多經驗,可以教到你點樣買平嘢。

即 買
*外國網站價格變化較快,最終價格請參考網站顯示價格。
*post中港幣價格僅供參考,實際價格視即時匯率而定。

Leave a Comment